管妳不管妳

我在旁勸籲妳「妳調轉咗條褲前後黎著！」。
 
C小姐輕扭上身望一望背後，露出驚嘆神情「呀！有條尾！」，再歡喜若狂還以多咗條尾自居。
 
我放棄堅持，妳就開開心心多條尾到公園去。
 

……
 
我在旁勸籲妳「妳調轉咗對襪前後黎著，呢個白色圓形係腳踭位黎！」。
 
C小姐實行借了聾耳陳對耳，還速速穿上膠涼鞋，準備上街去。C媽「著涼鞋唔駛著襪啦，咁熱！」。小姐充耳不聞。
 
我放棄堅持，妳就開開心心調轉對襪配埋膠涼鞋品味極差的上街去。
 
……
 
妳的大事小事管與不管，精結在於有否對自己及其他人造成不便、傷天害理，既然沒有，好，隨妳。

Read Full Post »

掛住你

甫踏進家門，小姐報告「爸爸喺餐廳食飯！」。
 
對！那邊廂的爸爸D今晚外出，大熱天時在冷氣房內卟卟卟，可憐這邊廂的C小姐又卟卟卟的想念爸爸D。
 
C小姐「今晚唔瞓覺！」。
 
C媽「吓？點解呀？」。
 
C小姐攤開兩手「冇“for tonight”聽！」。
 
C媽「哦！我地打電話俾爸爸，叫佢唱俾妳聽咪得囉！」（C媽奸笑）。
 
C小姐點頭「可以！」。
 
爸爸，你一個人一個動作就可以滿足兩個人的願望，何其偉大！

Read Full Post »

高D落D

小姐聞歌起舞，跳跳彈彈，C媽興奮「阿女咁樣第日會唔會高D？」，C爸「阿女咁樣第日會落D就真！」。

Read Full Post »

傑作

Read Full Post »

方舟內的一角

方舟內留下妳我的筆跡。

Read Full Post »

講數

C媽「出街喇，著鞋啦！」。
 小姐（指着那對曾被譽為世界上最醜陋但現今又很流行的大一個碼膠鞋）「著呢對！」。
 
 
 C媽「呢對鞋會甩，着波鞋啦！」。
 小姐（著上膠鞋，在屋內踱來踱去）「睇下，冇甩……冇甩！」。
 
 
C媽「呢對鞋大一個碼，好易甩！」。
 小姐（將前面條膠帶撥向後，放在腳跟位）「咁樣冇甩！」。
 
 
C媽「妳成日要抱抱，對鞋又大，上車落車好易踫跌嘛！」。
 小姐「……跌咗即刻話俾媽媽聽，媽媽“執番”！」。
 
 
C媽笑「好啦！」。

Read Full Post »

為妳鍾情

自從妳懂得講電話之後，我在辦公室裏多了很多樂趣。在電話裏，妳有答沒答的說著「我喺呢度！」、「啱啱瞓醒，食緊粟米，俾BB俾Minnie俾媽媽食！」。
 
雖然妳硬性子，有時講極都唔聽還特意與我對著幹，但我其實好鍾意妳。

Read Full Post »

應是我

流感盛行，袋裏必備消毒濕紙巾、有機免洗手液。進食期間，小姐雙手被禁止周圍摸。
 
那天晚飯，妳雙手把玩拖鞋底，一雙拖鞋反轉再反轉，我好言相勸不果，聲大大吩咐妳放下拖鞋。
 
事隔十分鐘，妳突然單手放額頭作敬禮狀「sorry媽媽！」，妳見我一面迷茫，妳再重複「sorry媽媽！」。「乜野事呀？點解要sorry？」（拉我出去槍斃吧，聲大大之後當無事發生！），妳細細聲「食飯摸拖鞋……嗯……！」，我即時眼有淚光，擁着小人兒「Sorry！係媽咪講sorry先啱，我唔應該咁大聲對妳講野，sorry BB！」。
 
所以呢，切勿以為小人仔不懂事，成人們的所有開心發狂發癲及所作所為，小人兒全都看在眼內，吸收消化之後，辰時卯時，就會回贈一個驚喜……但最怕的是有驚無喜。

Read Full Post »

不能阻隔的

未入讀pre-school前，我倆狠心的讓小姐獨自上每星期三次，每次三個鐘的暑期班。這學校的老師的確經驗豐富，喊包C於第六堂已經不再喊，回到學校自行坐下，回家還要展示當日所學。那裡學生多為外國小朋友，不會有傳統學校那個田鴨餐，這正正是我倆盯上這所學校的原因。每個星期會焗麵包烘曲奇，每兩星期一次外出旅行，看看花睇睇蟲。樂事！
 
兩母女夾手夾腳準備gluten-free muffin，作為小姐明天旅行的小食「妳明天跟M老師去旅行哦！」。小姐一臉迷茫，不知旅行為何物！
 
囡，妳明天將會甩掉Ba B 及Ma Mi，踏進人生裏第一個沒有爸媽的出行。往後這樣的日子會愈來愈多，愈來愈頻密，終於妳會完全離開我們往外地讀書，到時我們會在往歐洲睇古堡之旅途中想念妳，會在以往一年總會去一次的台灣猫空嘆茶時想起妳，會往西安觀看兵馬俑這個奇景時掛念妳，會往夏威夷行火山口去要付款的沙灘裏睇魚在腳邊游過時希望妳在旁。
 
對妳的掛念無分時間無分地域！

Read Full Post »

通告

呢，且看看什麼是還未習慣替上學的女兒打點一切，又且看看什麼叫“求其”：
 
心血來潮，打開小姐的手冊看看，「幣~~~！明天小姐要扮海盜！」。C爸速上網尋找海盜公仔，C媽剪呀剪貼呀貼，希望可以胡混過關。
 

Read Full Post »