週年教誨

最怕家族敍會，最怕其實是那幾位湊仔湊女經驗豐富的人士。其中以S最關心C小姐，每次總會教導我一番。
 
S問在C媽臂彎內二十個月大的C小姐「你有冇食過糖呀？」、「你有冇食過雪糕呀？」，雖然S說話期間連眼尾也沒有瞄我一次，很明顯此堆問題是衝着我而來。我「冇！」，S得到一個預期以內可以讓她發圍的答案，配合一個絕對誇張造作但看得出是事前久經練習的驚訝表情「嘩！連糖同雪糕都未食過，點叫快樂童年呀！？等我下次買俾你食！」。
 
閣下要把E420山梨醇大豆卵磷脂碳酸氫鈉……塞進你最愛的人口中我管不了，但請別搬出歪理批評我用自己的方法去愛我的家人！！！！！
 

Read Full Post »

新衫

C小姐的表叔表嬸從加拿大回來送贈給她的衫裙。
 
 

 

Read Full Post »

哦！ 中環嗰啲舊樓呀！

D和我不趕上潮流亦從來都不介意別人對我們的看法，加上我們整體生活不光鮮平實的關係，以致我在朋友親戚心目中很……那個！
 
當我結了婚住中環時—
一位長輩「即係石瑭咀？」
「吓！邊度係石磄咀？！」
 
一位朋友「你係咪住喺幾十年冇電梯嗰啲舊樓？」。
「唔係，樓齡四、五年啫，有電梯嫁！」
 
一位親戚「係咪好舊冇電梯嗰啲？」。
「唔係，有電梯嫁！」
 
當我進了一間財經機構辦事時—
一位親戚戰戰兢兢地「係咪……即係……嗰啲股票經紀呀？！」，哦！原來她怕我叫她幫襯買股票！
「唔係，我公司係監管機構，唔係股票行！」
 
雖然事隔多年，但D和我仍會不時拿來開玩笑，原來我是住在西環石瑭咀舊樓的落寞股票經紀！
 

Read Full Post »

滿月酒的特備節目

中國人最愛熱鬧，凡有喜慶事總要在酒樓喧鬧一番。D和我避得開結婚酒也躲不過要擺C小姐的滿月酒。
 
試問一個剛出世一個月的嬰兒怎能抵受酒樓的喧嘩嘈吵、麻雀耍樂及一眾三姑六婆的七嘴八舌?  於是C小姐只好以喊來抗議，她媽媽為了平靜她的情緒只好抱着她，如是者就惹來更多非議。
 
「嘩! 抱慣晒啦!」— 係呀! 又唔駛你抱，咁睇唔過眼做乜啫!

「佢一喊你就抱咪縱慣晒!」— 係呀! 慈母多乖女呀，未聽過咩!

「你有得佢喊啦! 你忍手兩日唔抱佢，等佢喊兩日就唔喊嫁啦!」— 哦! 原來要佢喊到死喊到啞喊到絕望收聲大家先高興!

「我個女果時喊，我擺佢入厠所有得佢喊飽佢!」— 你個女真係慘囉!
 
一眾婦人為表現自己對「湊仔湊女」幾咁經驗豐富、幾咁了得、幾咁巴閉，於是就輪流抱起C小姐表演一番。C小姐雖然年紀小小但已深明要識時務這個道理，於是不再喊了，終於回到媽媽懷抱。
 
C媽說過如果再有D小姐、D先生、E小姐、E先生，決不會再擺滿月酒，決不會再貢獻她他她他出來娛賓!!!!!
 

 

Read Full Post »