五個女人雖各有各忙，但仍堅持每年最少相聚兩次。天南地北教仔教女心理生理麥‘o麥’麥兜，每次總會笑得眼淚直流。 開心還開心，走開一晚就有點歉疚（係囉！男女真係大不同，男的快快樂樂去會友，回家還對著剩下半條人命的女人侃侃而談），一覺醒來就問小姐「MaMu禽晚出左街同朋友食飯，你乖唔乖？」。 「乖！」。 C媽「嗯！」。 「係咪我番學唔同你坐所以你出去食飯？」。（嘿！嘿！知驚喇！乘小巴時唔鍾意我坐隔離吖嗱！嘿！嘿！） 「唔係！間中要同朋友聚吓！」。 「如果我同朋友出街食飯，你開唔開心吖？！」。 「你仲咁細個，唔可以出夜街同朋友食飯！」。 「咁我第日十歲果時大個呢！」。 「十歲都未得！」。 「咁再大個呢！」。 「好啦！」。
Archive for the ‘朋友’ Category
一夜過後
Posted in C媽, C小姐, 朋友 on 30/09/2010 | Leave a Comment »
誤會
Posted in C媽, 朋友 on 03/03/2010 | Leave a Comment »
朋友PC向我道賀，恭喜我有喜（請先別瞪大雙眼！），皆因我用了一個女性專用的生理詞“來遲了”作為一段文章的主題。在此多謝PC的關心，順道澄清，我其實只是升職而已。至於生育這回事，既要天時地利亦要人和，加上生死有命，豈能是我這等凡夫俗子可以控制得了。
學前防哭準備
Posted in 學, 朋友 on 08/09/2009 | Leave a Comment »
如何預防子女初上學時大哭？父母各出其謀，在此搬出朋友M的心得： 1. 讓孩子揹書包在屋內跑步 2. 孩子著校服時全家勁勁讚她（他）們靚 3. 返學校有她（他）們最愛的車車玩 4. 提早幾日之前, 每日提她（他）們 “聽日再聽日, XX就要返….” （XX自己大聲答：「”學!!”」 ） 看！第四項如此正面的答案，實是家長們望穿秋水流埋口水想要得到的反應！
忠言逆耳
Posted in C媽, 爸爸D, 朋友 on 03/06/2009 | Leave a Comment »
之前提及希望透過C Factory為身邊人帶來健康信息，於是在好友I的禮物上，我加上以下的語句： “含有Bisphenol A (BPA) 的膠容器不易分解，燃燒時會釋出有毒氣體，對環境有極大傷害。另外，此種類似雌激素的環境荷爾蒙會干擾人體的免疫、神經及內分泌系統，甚至致癌。 Let’s say no to BPA！” 隨即被爸爸D批評為極為恐怖、恐嚇又強迫性的標語。我唯有死死氣改為： “對環境對身體的一份無毒禮物！Let’s say no to BPA！” 身為我身邊人的妳或你，準備好接受我的囉唆未？
那次朋友飯局，P提到以下一事： 游泳教練（男）問P的女兒「為何你媽媽今次不游水？」，女兒答「媽媽月經到所以唔游得水！」，P隨即再對教練重複「係呀！我月經到！」。 在座未有兒女的已有兒女的無不嘩然，紛紛提出疑問「教練男定女？」、「吓？！你尷尬嗎？」、「咁教練有乜反應？」……，P輕描淡寫回答眾人一棚提問，無不令各位臣服。 在資訊節目內得知性教育愈早灌輸愈好，從幼稚園開始就最恰當。 今晚，小姐換衫時察覺到自己心口左右有兩粒小肉凸出，用小手摸摸，我「呢個係乳頭。」，小姐重複「乳頭。」，她有點迷茫望望自己再望望我「媽媽呢？」，「媽媽都有！」，小姐隨即伸手放在我胸前，證實我沒有說謊後「爸爸呢？」，「爸爸都有！」，「XX呢？」，「XX都有！」，「人人呢？」，「每人都有！」。小姐隨即滿意穿衣去睡！原來一向難以啟齒的什麼乳頭、什麼乳房、什麼陰道、什麼陰莖也沒有什麼大不了，不過首要條件是表達的人接收的人態度要正確。 好，請大家跟我讀一次： 乳頭 乳房 陰道 陰莖 大聲啲再讀一次！
好友F剛產下兒子，我送上Unixxxxx日本尿片，F還道不知有此牌子尿片。我生產前，做了一系列嬰兒用品資料搜集，盡量避免使用Made in China的用品，尤其是尿片這種貼身物品，我寧可選用較貴又經常斷貨的這個日本品牌。 小姐尚在我肚內屈蛇時，D曾說過「一篤尿唔駛用咁貴啦！」，我還是買了回來。小姐會行會走時，我打趣地問D轉尿片一事，他的答案是「用得好就唔好轉喇，小姐有尿布疹仲煩啦，少少錢啫！」。看，男人有時其實比起女人還要心軟，尤其是當小人兒把大頭貼近大大聲「錫~~~~錫！」時！
出席飯敍，兩位有心人贈予C小姐玩具及靚衫，我只有兩包爛鬼曲奇回敬。 散會前，F叮囑要C小姐着住件衫影張相睇吓。好啦！F姨姨，我着住妳送件衫、I姨姨，我玩緊妳送嘅玩具。 多謝晒！
冇心肝
Posted in C媽, C小姐, 朋友 on 28/10/2008 | Leave a Comment »
兩位十多年好友F及I，從來她們都是有心人，一個溫柔體貼，一個細心認真。今晚飯敍，你們早已準備好你們的心意，亦同時為對方送上過氣的生日禮物，唯獨我兩手空空，收禮時頓覺不好意思。 請原諒我這個冇心肝的人，因為我患上失心症之餘，心肝亦已經無條件贈予小人兒。
哦！ 中環嗰啲舊樓呀！
Posted in C媽, 爸爸D, 親戚, 朋友 on 24/06/2008 | Leave a Comment »
D和我不趕上潮流亦從來都不介意別人對我們的看法，加上我們整體生活不光鮮平實的關係，以致我在朋友親戚心目中很……那個！ 當我結了婚住中環時— 一位長輩「即係石瑭咀？」 「吓！邊度係石磄咀？！」 一位朋友「你係咪住喺幾十年冇電梯嗰啲舊樓？」。 「唔係，樓齡四、五年啫，有電梯嫁！」 一位親戚「係咪好舊冇電梯嗰啲？」。 「唔係，有電梯嫁！」 當我進了一間財經機構辦事時— 一位親戚戰戰兢兢地「係咪……即係……嗰啲股票經紀呀？！」，哦！原來她怕我叫她幫襯買股票！ 「唔係，我公司係監管機構，唔係股票行！」 雖然事隔多年，但D和我仍會不時拿來開玩笑，原來我是住在西環石瑭咀舊樓的落寞股票經紀！
這個blog是我一手一腳自己砌起，每粒字亦是出自我手我心。D的好朋友對D戲言：「你嘅貢獻就係天氣報告咋？！」，於是D就開始了他的第一篇……(對！是開始，期望more！) After the bb was born, what is the best moments (fr. Father’s perspective) - Knowing that my wife was safe after delivery (Rating 4) - Able to sleep after bb came home on 1st night (Rating 3) - Hearing ‘ba ba’ (Rating 3) - Seeing wife play w/ C happily (Rating 5) - [...]
