我們不要讓妳成為這個世界最後一個知情的人，於是我選了今晨，當妳正在享用美味的提子小麥包時，我對妳坦白「妳快做家姐了，我有了小BB！」。 一臉茫然「你？而家？」。 「係呀！」。 「喺邊呀？」。 「喺肚裏面！」。 「佢點出黎呀？喺口度出黎？」。 「唔係，喺肚下面出黎！」。 之後，就陸陸續續出現有趣對答： 「妳快做家姐喇！以後妳要幫佢換尿片、餵佢食奶、餵佢食飯、幫佢刷牙！」。 「但係……佢冇牙嫁喎！」。 「咁你餵佢食奶囉！」。 有人靈光一閃「如果佢刷牙攪攪震呢？」。（有人自知自己刷牙經常攪攪震，絕頂煩擾！嘿！嘿！到妳要幫佢刷牙喇！嘿！嘿！） 「妳係家姐嘛，妳要教佢喇！」。 ———- 「佢出世時講中文定講英文？」。 「佢出世時唔識講嘢，妳要教佢講！」。 「咁教佢中文定英文定係普通話呀？」。 ———- 「我想入去（你個肚度）睇吓佢！」。 ———- 「我想入去你個肚度同佢傾吓！」。 ———- （改不了口）「BB」。 「我唔係BB，佢先係BB，我係家姐！」。 ———- 印傭S「第日BB出世我就好忙架喇！」。 [...]
Archive for 二月, 2011
真相
Posted in C媽, C小姐, 手足 on 26/02/2011 | Leave a Comment »
手足情
Posted in C媽, C小姐, 手足 on 21/02/2011 | Leave a Comment »
可以為妳帶來手足，是妳的福氣，亦是我的福份！
調換角色
Posted in C媽, C小姐 on 16/02/2011 | Leave a Comment »
「你啲痰聲咁犀利，等我今晚帶你去睇醫生打針！」 吓？！你唔會以為以上一段話是出自C媽口…吓話？ ……其實是人仔對C媽的關心啫！
兩星期的新年假期雖然足以令小人仔玩得“心都喪埋”，但卻又未喪失對C媽的關心。 事源： 人仔大清早要求爸D及C媽「你地唔好番工陪我玩啦！」。 爸D「唔得架，媽咪個老闆好惡呀，唔番工會鬧媽咪！」。 特此澄清，爸D並非出言恐嚇小姐，老闆M為人刻薄、黑心、喜歡說三道四，最重要的是此人經常精神分裂……此人的金句十日十夜也數不完，還是在這裡終止。 小姐對爸D的話極為上心，於是一連兩天…… 「老闆有冇鬧你呀？」。 「我好擔心呀，我驚老闆鬧左你呀！」。 「老闆而家喺唔喺你隔離，我驚佢鬧你呀！」。 「而家你係咪俾老闆鬧緊呀？」。
焗爐：Delonghi EO2150 （份量：24個〔1又1/2吋〕） 材料： 有機低筋麵粉 — 113g 有機無鹽牛油 — 85g（置於室溫）*軟化非溶化 有機雞蛋 — 1隻 有機蔗糖 — 30g 有機椰絲 — 1/4杯 泡打粉（不含鋁） — 1/2茶匙 Organic Vanilla Extract — 1/2茶匙 做法： 1. 先將牛油、蔗糖用電動攪拌器拌勻，分數次加入蛋拌勻，再加入雲呢拿香油拌勻。 2. 將麵粉及泡打粉過篩拌勻。 3. 將粉類加入濕材料中搓成麵糊，加入椰絲。 4. 用茶匙將麵糊放在牛油紙上，稍為壓平。 5. 在已預熱180ºC溫度的焗爐烘12分鐘。 製成品：爸D極為喜好此曲奇，他認為此曲奇極像椰撻內的餡料。至於小姐，吃了一口即大聲回應「得！」。第二天，當爸爸D辛勞過後回家，望著玻璃瓶「剩下一塊？！」，於是絲毫不禮讓，火速把剩餘物資塞入口中。
