政治家庭

那夜，小姐在疏化上雙手扶着C媽，口裏唸唸有詞「一二心（三），針（jump）！」，隨即跳下。剛巧爸爸D路過，只拋下一句「嘩！你咁都俾佢跳呀！」，便回房裏去。

 

事隔兩天，我問爸爸D「你覺得我准許小姐跳疏化錯呀？」。

 

爸爸D「佢要跳你阻止唔倒！」

 

我「我都係咁諗，不過你嗰日咁講，我以為你覺得我錯！」。

 

爸爸D雙眼瞇成一線再壓低聲音「講真吖，我都會俾佢跳！」

 

我「唓！咁你嗰日又咁講？」。

 

爸爸D「梗係啦，萬一佢跳落黎受左傷咁就係你揹鑊嘛！」