成長．密碼

每日回到公司開電腦會立即想起C小姐，因為我開啟電腦的密碼正是她成長的里程碑。
 
懷着小姐時，我會迷信地用XXbb23，亦希望她快樂cheerfulbb。密碼要每三個月改一次，正好讓我定期思索小姐的成長。由sleeping、walking、running、talking到pretending，提醒我每早也想一想小姐的精靈可愛蠱惑表情動作行為，好讓我每天有個快樂的開始。
 

Read Full Post »

師奶搭訕

自從有小姐之後，所有儀容身形自尊都已經豁出去，最明顯的是我開始喜歡與陌生人搭訕。
 
．．．．．．．．．．
 
 
一對母女在電梯內傾談，女兒先在較低層數離開。
 
我「這裏很多家庭也是住在同一座！」。
 
那位母親有點愕然「係呀！這裡好住嘛！」。
 
我「又方便照應呢！」。
 
:
:
:
 
 
．．．．．．．．．．
 
 
中環的city’super內，一位年輕女士問店員「有冇gluten-free通粉？」。
 
店員左望右望，拿出幾包通粉反問年輕女士「係咪呢啲？」。明顯地，店員不知gluten-free為何物。眼見年輕女士有點無奈，我發揮了我的師奶搭訕精神，
 
我「小姐，你係咪想搵gluten-free通粉呀？」。
 
年輕女士「係呀！」。
 
我「呢度冇架，你可以去XX，喺XX街，你知唔知邊度？」。
 
年輕女士「哦！即係XX附近呀？」。
 
我「唔係，嗯……咁你知唔知XX pizza店喺邊度吖？」。
 
年輕女士「我知！」。
 
我「就係XX pizza店斜對面馬路，有兩層，通粉喺樓上果層！」。
 
年輕女士報以微笑「唔該！」。
 
我還未肯停口「…………」。
 
:
:
:
 

Read Full Post »

香蕉鬆餅（Banana Muffin）

焗爐：Delonghi EO2150
 
（份量：八個〔直徑三吋〕）
材料：
有機中筋麵粉 — 1又1/2杯
有機大雞蛋 — 1隻 （打散後置於室溫）
有機蔗糖 — 1/8杯 #
葡萄籽油 — 1/3杯 *
泡打粉 — 1茶匙
梳打粉 — 1茶匙
鹽 — 1/2茶匙
有機大香蕉 — 4隻（壓成蓉）***愈熟愈甜***
有機合桃 — 適量
 
做法：
1.         先將麵粉、泡打粉及梳打粉過篩，加入鹽拌勻備用。
2.         用另一個盤，放入葡萄籽油、蛋、蔗糖、香蕉蓉拌勻。
3.         將濕材料倒入乾材料內拌勻，再放入合桃。
4.         放入紙杯內加至3/4滿。
5.         在已預熱180ºC溫度的焗爐烘20分鐘。
 
註：
#  原本食譜用1杯白糖，轉載的女士減至1/2杯，我還是認為可以有再減的空間，我只用了1/8杯，其實不落糖也不為過，因為香蕉實在很甜。
*  原本食譜是用牛油，我用了植物油代替。
 
製成品：怪不得這個食譜在網上有超過350個正面食評，全都舉腳贊好，果然味道絕佳！
 

 

Read Full Post »

政治家庭

那夜，小姐在疏化上雙手扶着C媽，口裏唸唸有詞「一二心（三），針（jump）！」，隨即跳下。剛巧爸爸D路過，只拋下一句「嘩！你咁都俾佢跳呀！」，便回房裏去。
 
事隔兩天，我問爸爸D「你覺得我准許小姐跳疏化錯呀？」。
 
爸爸D「佢要跳你阻止唔倒！」
 
我「我都係咁諗，不過你嗰日咁講，我以為你覺得我錯！」。
 
爸爸D雙眼瞇成一線再壓低聲音「講真吖，我都會俾佢跳！」
 
我「唓！咁你嗰日又咁講？」。
 
爸爸D「梗係啦，萬一佢跳落黎受左傷咁就係你揹鑊嘛！」
 

Read Full Post »

深呼吸……relax

食飯這回事，小姐十五個月就全自動波，二十二個月的現在已經熟能生巧，但偶爾也會出亂子。
 
在廚房善後，看着小姐把她最喜愛的白汁薯蓉雞肉飯“撻”在地上，今時今日練得一身好EQ的我已經可以視若無睹。小姐大概認為此行動並未可挑起C媽的憤怒筋，又把整碗飯倒在枱上，再掃地一般撥回碗內繼續食，基於每晚的親身體驗證實，進食在枱上拖拽過的食物並未死得人，好！隨她。再一陣子，小姐將通透的玻璃枱塗抹成磨砂玻璃，還舉起一雙“飯手”向我示意。此等成人眼裏的挑釁行為只屬冰山一角，往後想罵想打想憤怒的機會多的是，又何必太早動氣？！唯有笑口噬噬半拖半抱帶小人兒去洗手。
 
說到底，小人兒也只是想引人注意吧！
 

 

 

Read Full Post »

藍莓乾合桃麵包（堅實版）

麵包機：Zojirushi象印牌BB-HAC10
 
（份量：一磅）
材料：
水 — 7/8杯
有機高筋麵粉 — 2又1/3杯
有機蔗糖 — 1湯匙
有機奶粉 — 1又1/2湯匙
鹽 — 1茶匙
葡萄籽油 — 1又1/2湯匙
乾酵母 — 1茶匙
有機藍莓乾及碎合桃 — 1/2杯
 
程式：Basic Bread Firm、Crust Control – Light
 
製成品：因為藍莓乾有甜味，所以減了1/2湯匙糖。藍莓乾或提子乾配上合桃做的麵包不會差得去。
 

 

 

Read Full Post »

願望成真

一天，C媽「燈神燈神，我想做全職家庭主婦，我想廿四小時對住C小姐！」。
 
（篷一聲）燈神「好！我就賜予你十八天時間，你可以二十四小時日對夜對寶貝女兒。當然世上沒有免費午餐，除了弄女為樂，你每天要負起其他責任，包括：開奶、換片、追逐天生有摩打腳一支箭溜走的小姐著衫著片著褲著鞋著襪、妥善安排沖涼玩具、替小姐沖涼、邊哼歌邊逗小姐去pee pee去boo boo、充當講故佬、陪玩、陪瞓、黑房裏呆坐直至小姐睡熟、一副老骨頭陪伴小姐到遊樂場爬高伏低、準備早午晚下午茶餐、拖地、抹塵、抹窗、洗地墊、洗C坑、洗衫晾衫、去十處八處地方買有機食材、煮飯、洗碗、煲水、煲湯。十八天過去，你要回復以前生活上班去……如果你未死得的話！」。
 

Read Full Post »

報假案

以下事件發生於香港著名旅遊地區的一間連鎖咖啡店內。
 
剛飽餐一頓的小姐「唔唔！」。
 
C媽極速手執一袋棉花及尿片另一袋抹手紙及流動C坑，另一隻手拖着小姐往樓下的獨立洗手間。
 
一切準備就緒，安頓小姐以最佳姿態坐好，小姐突然「除褲褲！」（意思是脫下整條褲）。
 
我「唔駛啦！」。
 
小姐邊伸腳邊「哇！除……除！」以表示不滿。
 
我「好啦好喇！」（據經驗所得，在緊急及趕時間的情況下，如非嚴重事項，最好向唔講道理唔駛俾面你的暴民妥協！）。
 
C媽一邊哦一邊替小姐除鞋再除褲。突然門外傳來連續數次大力推撞聲（嘭嘭嘭），「嘩！係咪呢度？開唔到，要攞鎖匙架？！」。
 
十五秒後……門外又傳來（嘭嘭嘭）「有冇人架，咁耐架！」。
 
三十秒後……
 
小姐起身「冇！」。
 
C媽七孔生煙，忙着收拾各樣設備又要捉着只穿著襪子在洗手間地上行行行的小姐。
 
門外又傳來「嘩！咁耐架！」。
 
七手八腳捉緊小姐強迫她穿片著褲著鞋。
 
收拾妥當，誰知小姐一個轉身，雙手已游走垃圾桶上……。
 
C媽以金雞獨立姿態，讓小姐坐在其厚肉大腿上洗手。
 
一個世紀後終於完事。開門拖着小姐步出，幸好眾等候者未有發爛只報以不滿眼光！
 
爸爸D在樓梯口迎接小姐，兩人“笑騎騎”地上樓去，C媽呢？一額是汗拿着一包二袋緊隨其後！
 

Read Full Post »

世上為何需要爸爸

滿心歡喜來到老遠的遊樂場……
 
C媽「哎呀呀呀呀呀呀呀！濕晒！」
 
靈活爸爸D「仲可以有其他玩法嘅！」

Read Full Post »

Gluten-Free蕃薯小鬆餅

我最喜好蕃薯，將蕃薯蓉混入蛋糊內會失去了原汁原味，索性嘗試做個蕃薯蓉夾心小鬆餅。
 
焗爐：Delonghi EO2150
 
（份量：三十二個〔直徑兩吋〕）
材料：
Gluten-free Muffin & Scone Mix — 1盒
有機大雞蛋 — 2隻 （打散後置於室溫）
葡萄籽油 — 6湯匙 #
有機燕麥奶 — 1杯 #
Organic Vanilla Extract — 1/2茶匙
有機蕃薯 — 適量
 
做法：
1.         先蒸熟蕃薯，壓成蓉並搓成小餅狀備用。
2.         拌勻葡萄籽油、蛋及雲呢拿香草精。
3.         加入燕麥奶拌勻，先放小量蛋糊入紙杯內，再加入蕃薯蓉夾心，再加入蛋糊至3/4滿。
4.         在已預熱180ºC溫度的焗爐烘15分鐘。
 
註：#原本食譜用牛油及牛奶，我用了植物油代替牛油，以燕麥奶代替牛奶，其實亦可以果汁代替奶。
 
製成品：剛出爐鬆餅外皮脆，內有一整粒蕃薯蓉，非常滿足。
 

 

Read Full Post »