妳粒核呢？

一個自以為train得個女好“掂”的火星阿媽出事喇！
 
話說火星阿媽沾沾自喜繼續給C小姐享用有核車厘子，正當火星媽滿有信心高呼「核要吐出來！」時，小姐果然有動靜，口裏吐出 —— 一堆果肉 —— 隨即見到小姐喉嚨有物體漲起正向下移動，慘喇！妳粒核呢？小姐張開口，內裏空空如也！
 
慘喇！慘喇！慘喇！慘喇！慘喇！粒核會唔會塞住氣管呼吸唔到？粒核會唔會消化唔到攪到胃痛？粒核會唔會割穿條腸？急急告知火星爸，果然……他還是氣定神閒「咁而家有兩個選擇：一係洗胃開肚攞粒核出黎，一係等佢屙番出黎！」。
 
望穿秋水，核呀核，你番出黎未呀？
 

Read Full Post »