唔知點解，中國人社會總認為，除了在彈床上跳之外，在其他所有地方跳就是有罪。
小時，跳樓梯、由巴士梯級跳下、從鋼架跳下、從躚踿跳下，小則聽幾句勸阻，大則受人白眼兼差點要拎出去狗頭鍘侍候。最令人費解的是，有家長認為孩子跳跳跳是百厭坐唔定是冇家教的表現，甚至阻止子女在家裏跳，「唔好喺梳化跳啦！」、「唔好喺床跳啦！」、「唔好企咁高跳落嚟啦！」，相信可能是恐怕子女受傷！
今晨，我這個遲早被人唾棄的媽媽，在公園裏陪伴C小姐從樓梯跳下十多次。今晚，我又陪她在枕頭上扶着床框跳了十多分鐘，在旁人眼中簡直罪大惡極。我情願她多多練習、情願她在我面前跌在軟墊上、跌在木地板上，我可以大概估到受傷程度，也勝過因為疏於練習而在外焦頭爛額。
不過凡事總有底線，只要不是吸煙吸毒自殺濫交奸淫擄掠，趁妳還可以錯得起，妳即管試！
