曲奇金句

自從一次意外，C小姐嘗過那款充滿牛油又甜極的果乾曲奇後，每日數次、每次她都例必呱呱叫指着曲奇樽表示我要、我好想要、我立即就要，呱到人心煩意亂屈服為止。

 

昨天大清早食完奶，又我要我要我要我要我要我要我要我要我要我要！見只餘下四塊，甜極肥極唔健康極都只係四塊啫！就俾妳食，以後我再整啲無糖嘅妳歎！

 

D剛好起床就見到C小姐手執曲奇，以勝利姿態邊吃得津津有味邊踱步。

 

D：「嘩！一朝早就食曲奇，正所謂『朝早食曲奇，一定會好肥！』」