「吖!」(遊客指着路邊的一棵樹)
導遊甲：「呢棵叫樹樹，可以綠化城市。」
「吖!」(遊客指着前面的巴士)
導遊甲：「巴士，可以載好多人去唔同地方，又環保。」
「吖!」(遊客指着車旁一架的士)
導遊甲：「的士！你細個時成日坐嘅呢！」
「吖!」(遊客指着前面的交通燈並大力搖腳投訴車不開動)
導遊甲：「紅燈，我地要等綠燈先開得車，綠燈喇！開車！」
「吖!」(遊客指着車旁一架大貨車)
導遊甲：「呢架係貨車，可以載好多貨物，正式名稱叫密斗貨車。」
(遊客眼望着路旁的一間教堂)
「教堂，呢間係基督教禮賢會教堂！」
導遊乙：「係呀！妳第日嫁果時都會選一間教堂行禮，到時呢，我就會拖住妳將妳送俾人！」
我瞄一瞄導遊乙：「乜嘢送俾人呀！」
導遊乙：「哦！佢搵到一個好伴侶，我替佢高興嘛！嘿！嘿！將佢送出去、成個送咗俾人！嘿！嘿！」
哼！到時你咪唔捨得個女！
