「夾髮夾好唔好？！」（一個扮民主但其實虛偽的媽媽邊問邊從左面空隙特襲，想強行將髮夾夾在C小姐前額頭髮上。）
C小姐閃身擰頭並把面伏在沙化上，以行動表示唔好。
「夾咗髮夾先玩啦，好唔好呀？！」（又再扮民主的媽媽邊苦勸邊從右面空隙特襲，想強行將髮夾夾在C小姐前額頭髮上。）
C小姐再擰頭並把面伏在沙化上，再以行動表示唔好。
「遮住對眼呀！夾髮夾好唔好呀？！」（媽媽又再邊問邊從頭頂特襲，想強行將髮夾夾在C小姐前額頭髮上。）
C小姐又再擰頭並把面伏在沙化上。
媽媽決定以退為進：「咁唔好夾喇！」（邊說邊將髮夾放在沙化上，然後行開。）
十秒後，C小姐眼見媽媽不再與她糾纏，覺得甚為無聊，於是……行到媽媽面前遞上髮夾示意媽媽替她戴上，今次終於企定定。
正當媽媽以為自己贏了漂亮一仗時，那邊廂的C小姐暗地裡：「嘿！嘿！唔俾番啲成功感俾妳，下次我咪冇得玩！」。
