唔好……呀！……唔係……

(篤隻手指入風扇) 「唔好……呀……唔係……不如我哋去玩波波吖！」
 
(隻手攪鞋底) 「唔好攪……呀……唔係……鞋鞋污糟！」
 
(雙手拍打換出來的尿片) 「唔好拍……呀……唔係……玩呢個啦！」(順手塞咗一串鎖匙給她)
 
(企喺手推車上) 「唔好……呀……唔係……不如落地行喇！」
 
(食指篤落啲湯度) 「唔好……呀……唔係……飲湯湯啦！」
 
已經講少了很多唔好，但有時衝口而出……
 
(fing fing fing)「哎呀！唔好將啲飯fing到周圍都係啦！」「……呀！……」

Read Full Post »

一隻鸚鵡的啟示

話說某日有兩個大人一個細路，進了一所咖啡店內，因為細路過咗鐘要食奶，時間緊迫加上一件小事，女的衝口而出對個男的說了一句：「有冇攪錯呀！」，隨即身後響起「有冇攪錯呀！有冇攪錯！」，原來是一個小男孩，女的頓時又尷尬又差愧，連望也不敢望他媽媽一眼，別人的千年道行差點被那個女的一朝喪。
 
小鸚鵡令我對身教有更深的體會。正所謂上樑不正下樑歪，一切由今天開始……要和以下常用句語說再見：
 
有冇攪錯呀！
喂！你估真係好易呀？
嗰個荗李……
 

Read Full Post »

變陣晨早餐單之再接再厲篇

今早是另一個陽光普照的早上，繼上次失敗後，決定再接再厲，買另一牌子的有機creamy蕃茄醬配上英文字母粉再給C小姐嘗試。
 
「好食㗎！試吓啦！」
 
Um！Um！「嗯！OK啦，我自己舀嚟食！」(第一羹)
 
Um！Um！「嗯！」(第二羹)
 
嘿！嘿！好囉！肯食囉！以後多一樣早餐！這邊廂最後嗰粒音都仲未散，那邊廂的C小姐就拿着舀滿字母粉的匙羹fing fing fing……
 
「哎呀！唔好食咩？！fing晒落地喇！」
 
終於C小姐將部份吞落肚，部份fing落highchair，部份fing落地。比例分別是60%、10%及20%。心水清的妳你妳會問咁仲有10%呢？哦！咪喺我條褲度囉！
 
 

 

Read Full Post »

Mom, I am ready！

C小姐是個大碼B，兼且肌肉發展相當理想，所以自小極度活躍，由她開始懂爬以後，出外用餐別奢望可以有餐安樂茶飯歎吓！現在會行會走，就更加坐唔定。過去的數個月曾經多次拿出故事書仔，還未開口讀她瞄一瞄已經爬走、行開、攪第啲玩具，完全對閱讀不感興趣，開始為她的專注力而擔心，但最近她以行動告訴我她已經ready。
 
7月2日，對於我來說是歷史性時刻，她自己行去書櫃拿了一本故事書，打開示意我read the book！就這樣開始了她自發性的學習生涯。
 
C小姐不太接受死板的學習模式，於是我們嘗試近於活動教學之類的方法，配合實物扶助，一兩天內她便學會數字1、花花、butterfly、star、甲蟲、菇菇等。於是從此以後，我們出街便抬着數字咭、字母咭、動物書仔、植物書仔，看見有實物就搵書對照教她。
 
而今次是學草草及樹樹—
 

 

Read Full Post »

要老公定要個女

近來C小姐極度注重個人衛生，可能是順應政府呼籲，經常洗手(玩水)。只要一提到洗手二字，C小姐就會極度興奮拍拍手自動自覺搬埋膠櫈仔行去bathroom門口等候。見她喜歡玩水，於是在走廊爸爸D電腦房門口鋪設膠枱布，放了一小盤水任玩任倒任拍。隨即房內傳來「如果有水彈到個UPS會燒㗎！」，我：「啲水唔識轉彎嘅！」。
 
看來下次要將陣地移去客廳，到時可能又會聽到「如果有水彈到個Hi-Fi會燒㗎！」、「如果有水彈到個Wii會燒㗎！」「如果有水彈到個DVD會燒㗎！」……
 

Read Full Post »

橫掃超市大行動

超級市場對C小姐實在太新奇，尤其是今次是她第一次用自己雙腳逛超市。
 
先來推架小型購物車。

 
再在生果櫃內破壞荔枝。

 
繼而插手入橙堆。

 
再攞隻有機香蕉將個 “organic” 標籤貼在自己身上企圖擾亂視聽俾少啲錢。

 
企喺凍櫃前面扮睇凍肉果汁其實涼冷氣唔肯走。

 
在意粉通粉架上自行選購通粉並放在購物車內。

 
再向店內各女職員揮手示好，令到眾人不能集中精神工作。
 
同場附加拍打另一顧客帶來綁在超市門口那隻小白狗個頭。
 
相信該超市已取得教訓，將C小姐例入危險人物一類，以後嚴禁進入！
 

Read Full Post »

上落上落又上落

C小姐步履漸穩，經常行行行。
 
星期日她終於發現人生除了平路之外，原來也有上有落。難得她深明此道還嚷着要嘗試，好！媽媽陪着妳走！如是者這間食肆的顧客就看著兩母女極具騷擾地在他們枱旁不斷上上落落又上又落樓梯二十多次。
  

 

Read Full Post »

阿婆阿女阿孫一條龍

C小姐出世後終於令我相信性格真是天生的。雖然後天可以稍加調節，但骨子裏仍是那個樣子。
 
她出世後，滿心以為可以將最好給最好，但每次吃人奶她總是大吵大鬧不肯就範，不是放盡喉嚨大哭就是用力推開我，當時她只是兩日人仔，私家醫院及母嬰健康院的姑娘也說怕了她。
 
到了三個半月學轉身階段甚至現在泵lotion，她那個做不到誓不休的樣子真令我哭笑不得。
 
對母親陳述以上事例，並附加一句：「佢好鬼硬頸！」
母親：「咁咪似你囉！」
我：「係囉！我似你囉！我地三個一條龍！」
 

Read Full Post »

心儀對象

一個下雨的早上，C小姐突然發現一本，爸爸D昨晚看完隨心隨意隨手隨緣拋在地墊上的攝影雜誌，於是瘋狂地尖叫了兩次，每次持續數秒，之後隨即拿起雜誌送到嘴邊錫錫。
 
雖然呢……人不可以貌相，但……唉！開始為她將來會否誤選男朋友而擔心！

Read Full Post »

行‧跑‧飛

小鞋子穿了才幾個月已經頂腳趾，又要換鞋了。
 
換了新鞋的妳好像長大了很多，看見妳步履漸穩，應該開心……但……今天妳懂得行、不一會妳懂跑、再不一會妳會飛，飛得我喘着氣追不上……！  母親總是充滿矛盾，希望妳留在自己身邊時間長一點, 卻又希望妳能展翅飛高一點……
 
好好珍惜還可以替妳選鞋買衫的日子！

 

Read Full Post »