知我者莫若你

我：「唉！好忙！成年冇買過新衫番工！」
D：「妳個心都成年冇番工啦！」

Read Full Post »

殘酷稱呼

作為一個神經緊張的母親，我認為如果連帶女兒往樓下的遊樂場玩耍也辦不到，就是未盡母親的責任。於是放工後便飛奔回家帶C小姐直奔往遊樂場，就算只是玩短短30分鐘也感滿足﹙其實是滿足自己多於滿足她﹚。
 
C小姐年紀太小，大部份小朋友也不願跟她玩耍。今天有突破，一個自稱三歲半相貌英俊的小男孩B過來搭訕並和C小姐一起玩滑梯。數分鐘後，B的印籍女傭問C小姐年齡，高高在滑梯上的B望着我隨即問：「婆婆呢？」，我R晒頭，印籍姐姐非常醒目地提示少主：「姨姨唔明你問乜嘢！」，B恐防我再不明白，索性以完整語句望着我再問：「婆婆咁你幾多歲呀？」「吓！我~~係~~婆~~婆~~？！」，雖然二十幾歲嫁人後隨即榮升別人的表叔婆，但以我一身T-Shirt牛仔褲打扮再隨身攜帶一個14個月大23磅6安士的女兒，橫看豎看都不像一個阿婆啩，細路！！！！！！少主走前還聲言：「明天見！」
 
唉！要自尊好定C小姐有個英俊但判斷力奇差的玩伴好呢？！

Read Full Post »

Home-made Yogurt

自己動手做乳酪，先準備：
 
1.  一個為家人健康著想的心
2.  純牛奶 / 低脂奶1公升
3.  活性乳酸菌乳酪粉3克 (即1茶匙)
4.  乳酪機
 
程序簡單：
1.  將乳酪粉混入牛奶中充份混和
2.  放入乳酪機內發酵12個鐘
 
製成品：
我：「嘩！好酸呀！」
D：「嘩！酸到見到一隻隻乳酸菌喺個碗度爬上嚟呀！」
C小姐：「好味！more！」
 
從今天起對C小姐另眼相看！
 

 

Read Full Post »

最多再咳多次囉！

從小便示範予C小姐，打噴嚏或咳嗽時要掩口，終於日子有功，雖然在緊急時刻她總是忘記，但事後會立即掩着口扮咳多一次！總算好過唔做吖！

Read Full Post »

唔好再講唔好

今早在大廈電梯大堂內聽到一對父子的對話：
 
父 – 壯年
子 – 約7、8歲
 
父：「今日大風呀！你唔好脫件外套呀！就算脫了要放入袋裏面，唔見咗就大件事！」
子：「……」
父：「你唔好食晒啲嘢食呀！留番俾啲同學呀！」
子：「……」
父：「你唔好……(下刪數十字)！」
子：「……」
父：「你唔好……(下刪數十字)！」
子：「……」
父：「你唔好……(下刪數十字)！」
子：「……」
 
在一輪「唔好」攻勢之下，究竟那個男孩入了幾多教誨入腦？
 
果然身邊人和事真的可以啟發思維帶來靈感令人反思！
 
曾經讀過兒童教育書籍，不少曾提及教要教得正面。想阻止小朋友做一件事，要暗地裡阻止，唔好成日講「唔好xxx」。小朋友要做一件令父母覺得不妥當的事，父母最普遍的反應是——唔好攪xxx、唔好講xxx、唔好拈xxx，但家長有否留意其實自己已經重複提起那件不妥當事件多一次，又一次加深了小朋友的印象。
 
父母：唔好攪較剪 = 小朋友入腦：攪較剪
父母：唔好攪插蘇 = 小朋友入腦：攪插蘇
 
父母要為小朋友的行為負上責任，要小朋友唔好攪較剪唔好攪插蘇唔好食呢樣唔好食嗰樣，父母就應該收起所有危險物品，小朋友不可吃的，就別放在當眼處引人犯罪。如果無可避免，就要用正面方式轉移注意力——不如我們玩xxx，不如我們xxx。
 
I do believe——有正面的管教才有一個正面的孩子。
 

Read Full Post »

留下足夠開心一輩子的回憶

The C Files的出現除了是留給C小姐，讓她清楚以前的自己外，其實亦想留下一點她成長的回憶，我生怕忘記她每一樣成長的證據，於是在這個blog，其他人會發現很多對大家好無聊但，至少，對我很有意義的post。
 
好想好想留住每一個她的喊樣、她學爬學行時東倒西歪的樣子、她第一次學會站立超過5秒時沾沾自喜的笑容、初初學行為了要平衡，雙手好像小鳥拍翼只會向前直衝的滑稽相！所有所有實在與我有莫大關係，因為她身體內有我的血我的基因，當我離開這個世界後，她將會是我在這個世界的延續！
 
一大堆鎖碎事足以令我樂上半天。

Read Full Post »

不歸路

已經立下決心，以為可以洗手不幹，在公安安逸逸、在私每晚逗小人兒開心，奈何上天早有安排加上老細的一句「妳好有上進心喺呢行發展喎！」，吓？！係我唔好！係我衰！我唔應該攞我已經放棄放低放開放手的出來充撐場面。
 
唉！不能怨天又豈能尤人！是我推自己走向一條不歸路！！！

Read Full Post »

死板媽咪跟書玩遊戲

曾經和不少家長討論，在家裏和孩子玩什麼遊戲好呢？於是(以前)初為人母而死板又欠缺創意的我還特地去買了一本Unplugged Play，該書包含七百多個遊戲，心想參照書中玩法一定冇錯喇啩！
 
但事與願違，終於發現……原來……事實是……我應該陪伴C小姐玩她鐘意玩的遊戲而非要她玩我想她玩的遊戲。又原來小朋友是那麼簡單—
 
一個鎖匙包可以消耗30分鐘
 

一把兩傘用來左篤右篤可以消耗25分鐘

 
 
一個手挽袋由屋頭拖至屋尾來來回回，可以消耗10分鐘

 
 
一盤水可以消耗無數咁多分鐘（只要唔介意她有幾濕，唔介意買過晒所有家電，唔介意冇咗個老公……）
 

Read Full Post »

大力三

我終於可以捧起一個西瓜(迷你版)喇！
 

 

Read Full Post »

邊個話鞋一定要一雙

C小姐對那雙新鞋仔情有獨鍾，久不久在家會拿起示意C媽替她穿上，但奇怪的是她認為鞋應該只穿一隻，穿完左腳繞場一圈，脫了，才可以穿右腳。本來一雙一對，係都要棒打鴛鴦！
 
隨妳啦！……嗱！跌倒唔好賴我呀！
 

 

Read Full Post »