從來不會教人怎樣教仔女，一我沒資格、二我覺只有為人父母才最清楚明白自己子女的特質。相對地，我好抗拒別人教我教女、對我說：「你咁咁咁就錯喇！」「你應該咁咁咁！」，錯？應該？連我自己也在不斷嘗試不同教法，你可以說我錯嗎？你清楚我女兒性格嗎？你有觀察她每個行動背後的意義嗎？你鐘意打不代表我要打、你破口大駡我不願潑婦罵街，我不打不駡不代表我會寵壞她。
有人對我說：「唔打唔得嘅！你一定忍唔到嘅！」，係！我可能忍唔到，但至少我不會認為打是理所當然。
管教骨幹總會有的，至於細節就要見機行事。畢竟C小姐不是倒模曲奇，我總不能拿別人的管教方法全套用在她身上。
分享育兒心得我樂意之極，但對於我這種硬頸脾氣剛烈兼受軟唔受硬的壞鬼性格人類，別再指着我說：「你咁咁咁教女咪錯囉！」。
