晨早起床清新開朗，陽光溫暖帶來無限美……
連續多個星期下雨，難得今早陽光普照心情好，於是決定改改C小姐的晨早餐單~~
先食8oz奶，小休一個鐘頭後再食有機蕃茄醬英文字母粉。
Um！Um！「嘩！媽咪，點解冇味嘅？！」
「好食㗎！妳試多一羹先啦！」
Um！Um！「唔係喎！咁淡嘅？！」
「係呀！唔好食咁多鹽呀！清清地有益呀！好食㗎！妳試多一羹啦！」
Um！Um！「唔係喎！唔好食嘅？！不如妳試吓嘞！」（隨即自己拿起茶羹舀滿再送到我嘴前）
Um！Um！「嗯！……都……幾好食吖！」
「啊！好食食多幾羹啦！」（再拿起茶羹舀滿送到我嘴前）
Um！Um！「嗯！雖然淡咗少少……不過……有益嘛！」
「啊！有益就再食多啲啦！」（再拿起茶羹舀滿送到我嘴前）
Um！Um！
「我要食番有機豆奶麥皮！唔該！」
