生性

妳對着monkey公仔「爸爸媽媽番工，唔好喊，爸爸媽媽番工搵笈笈 (意指食物)！」。我眼有淚光心頭一酸！

中獎

C媽「哎呀，啲乜野乜野又唔對，中咗獎都唔知啦！」。

 

爸爸D（指向小姐）「已經中咗啦！」。

 

C媽甜笑！

低糖蘋果燕麥鬆餅

焗爐：Delonghi EO2150

 

（份量：二十八個〔直徑3cm〕）

材料：

有機全麥麵粉 — 1杯

有機燕麥片 — 1杯

有機燕麥奶 — 1杯

有機大雞蛋 — 2隻 （打散後置於室溫）

有機蔗糖 — 2湯匙

鹽 — 1/2茶匙

泡打粉 — 1又1/2茶匙 #

有機肉桂粉 — 1又1/2茶匙

有機提子乾 — 1/2杯

有機蘋果 — 1個

檸檬汁 — 2茶匙

有機蘋果汁 — 1/2杯

 

做法：

1.         先將蘋果去皮去芯切粒，加入肉桂粉、提子乾、檸檬汁及蘋果汁，用慢火煮至乾水。

2.         全麥粉及泡打粉過篩，加入燕麥片及鹽拌勻備用。

3.         用另一個盤，放入雞蛋、燕麥奶及蔗糖拌勻，再加入煮好的蘋果拌勻。

4.         將濕材料倒入乾材料內拌勻。

5.         放入紙杯內加至3/4滿。

6.         在已預熱180ºC溫度的焗爐烘20分鐘。

 

註：

#  泡打粉（aluminium-free, gluten-free）

 

製成品：原本的食譜建議落1/4杯蜜糖，最拿手少糖走牛油的我只落了2湯匙，成品味道不錯，起碼小姐極為喜好。

生日

小姐生日的那晚，我弄了一個無糖香蕉蛋糕作為她的生日蛋糕。

 

準備好材料（在此勸喻多準備一個鐵籠，必要時請將馬騮鎖入籠內！）。

 

過程：

1.     先將雞蛋打散置於室溫。

2.     小姐將量匙放入蛋液內。

3.     C媽打撈、清洗量匙備用。

4.     小姐跑去客廳玩大青青（train train）。

5.         將麵粉、泡打粉及梳打粉過篩，加入鹽拌勻備用。

6.         小姐跑過來，一手取起篩在麵粉泡打粉梳打粉鹽的混合物內攪動，塵土飛揚。

7.         C媽「哎呀哎呀哎呀！」。

8.         一雙大手加上一雙小手將香蕉壓成蓉。

9.         用另一個盤，放入葡萄籽油、蛋、香蕉蓉拌勻。

10.       小姐用壓蓉器在葡萄籽油蛋香蕉蓉內亂攪。

11.       C媽左呃右氹之下，小姐終交出壓蓉器。

12.       將濕材料倒入乾材料內拌勻。

13.       放入焗盤內加至3/4滿。

14.       在已預熱180ºC溫度的焗爐烘20分鐘。

 

製成品：千辛萬苦，終完成一條生日香蕉蛋糕。

高難度動作

已習慣小姐“行到邊吊到邊”，今次又來個新姿勢，誓要嚇致母親心臟病發！

解決問題

（小姐在遊樂場脫去一隻鞋）

 

 

爸爸D「只係着一隻鞋行起黎唔舒服喎！」

 

問題迅即被解決……

 

 

忍

當妳大叫「媽媽著媽媽著！」時，我忍……心！

 

當數分鐘過後，妳嘗試數次就放棄隨即在屋內跑來踱去，我忍……妳！

 

眼見快將遲到，我忍……耐！

 

當十分鐘過後，妳又再嘗試，但腳趾尾總是塞不進襪子內，我忍……手！

 

今日我終於忍出個未來，妳已經可以自己穿上襪子，我……心感安慰！

好英文

（爸爸大腳擋路）小姐大聲「Q me！」。

 

（小姐於某超市推車仔前路受阻）小姐細細聲「Q me！」。

 

聰明的妳你必定已經估到，係嘞，咪就係excuse me囉！

沒有老公的日子

我正在倒數，平日光陰似箭，如今度日如年！

 

原來少了你，我一個早餐也幹不掉！

 

少了你，在我累在我倦時，沒有人替更代我應付小姐！

 

少了你，連做麵包做scones的興趣也盡失，因為沒有人跟我分享沒有人吐出標準食評「好食！」！

 

少了你，有機伙食也頓然失色，幸好還有兩餸一湯，糙米任“裝”！

 

你……番黎未呀？！

沒有爸爸的日子（延續篇）

爸爸D又再拋下我們兩母女遠走高飛，一飛就是一個星期。

 

小姐人仔細細，似是而非的對答令我懷疑她知不知道爸爸往那裏去！

 

C媽「爸爸呢？」。

小姐（邊講邊做手勢）「飛~~~飛！」。

 

（放工回家）小姐「爸爸媽媽！」。（妳唔好嚇我呀！得我一個咋喎！）

 

C媽「今日去遊樂場玩乜野呀？」。

小姐「爸爸吊吊！」。（爸爸今早飛咗喇喎！）

 

小姐（玩火車）「爸爸砌隧道！」。

 

小姐（指着某宣傳單張裏一個男性的橫紋上衣）「爸爸有！」。

 

C媽「食飯喇！」。

小姐「爸爸食飯！」。

 

小姐（搣下一粒心愛的粟米）「爸爸食！」。

 

C媽「夠鐘瞓覺！」。

小姐「爸爸瞓！」。

 

 

以上對話出現在短短的兩個小時內！

 

D，你看！在這世界上又多一個掛念你的人，所以……見字速回！